Jafar Bdran جعفر بدران

شو رح يصير بحساباتك الرقمية بعد عمر طويل؟ حياة الواحد فينا ممكن تنتهي بس وجوده على النت ممكن يضل لسنين طويلة صور فيديوهات، محادثات خاصة، وحتى مصاري وأصول رقمية واسرار يمكن ما حدا بيعرف فيها غيرك. كل هي التفاصيل اللي عم نتركها ورانا هي "إرثنا الرقمي". ولهك، صار لازم نفكر فيه من هلق. في حسابات بتضل شغالة، وفي حسابات بتتحول لـ "ذكرى"، وفي ملفات استرجاعها بصير شبه مستحيل إذا ما كنت مرتب أمورك ومجهز طريق الوصول لوراك. والنقطة الأهم إنو أهلك وعيلتك ما بيقدروا يفوتوا على حساباتك أو يشوفوا خصوصياتك …

زلزال في عالم الكربتو بعد اختراق أصاب منصة باينانس وضياع 5.5 مليار من الأصول التي تم تجميد قسم منها لكن بعضها لا يزال يتحرك on chain

#هام التوقيت الرسمي ما تغيّر، لكن بعض الهواتف أخّرت الساعة تلقائياً بسبب إعدادات النظام المرتبطة بالتوقيت الشتوي هالشي ممكن يسبب لخبطة بالمواعيد، والمنبّهات، وحتى بمواعيد الدوام. لهك تأكدوا من ساعة أجهزتكم وقارنوها بالتوقيت الرسمي، ولا تعتمدوا على ساعة الهاتف قبل ما تتأكدوا إنها مضبوطة بشكل صحيح. التوقيت ما تغيّر، لكن بعض الأجهزة غيّرت الساعة لحالها.. انتبهوا حتى ما تتأخروا عن مواعيدكم #جعفر_بدران

تخيل إنو الموبايل اللي بإيدك هلق، عم يجمع بياناتك، ويحدد موقعك، ويراقب نشاطك لصالح جهات تكنولوجيا إعلانية اسرائيليه، وأنت مالك خبر. كشفت التقارير عن استغلال أنظمة الإعلانات الرقمية لاستهداف المستخدمين وتتبعهم بدقة وخاصة مستخدمي ستارلينك والانترنت الفضائي بالمنطقه، والنشاط الأكبر لهي العمليات تم رصده بقلب سوريا. الموضوع ما عاد نظريات، الخطر صار واقع عم يمس خصوصيتك وأمانك الشخصي. لهيك، حتى تكون محمي بشكل جيد: 1. اقطع الطريق عليهم: فوت فوراً على إعدادات الخصوصية، وامنع أي تطبيق من الوصول للميكرو…

علموا أولادكم إنو الإنسان الحقيقي بيظهر بأخلاقه، مو بعدد متابعينه ولا بحجم شهرته. بزمن صار فيه كل شي متاح، لازم نعلمهم: إنو نشر صورة شخص بدون إذنه مو خفة دم، هي انتهاك خصوصية. إنو التشهير بالناس مو صناعة محتوى، هاد أذى. إنو تحويل أسرار الناس لمادة للضحك والتسلية مو شطارة انو الشخص المشهور اغلب حياته فيك وفيها تصنع حببوهم بناس لانشر العلم والوعي التدريب الكلمة أو الصورة اليوم بتنتشر بثواني، بس الأثر النفسي والاجتماعي اللي بتتركه ممكن يضل سنين وما يروح. مو كل شي منقدر ننشره لازم ننشره، ومو كل ش…

يوتيوب بخطر؟ إنستغرام عم يقلب الطاولة إنستغرام قرر رسمياً يدخل ملعب "الكبار" وينافس يوتيوب بقلب بيته المنصة ما عادت مكتفية بالريلزات القصيرة، حاليا عم تختبر فيديوهات أفقية وطويلة (ممكن توصل لـ 10 دقائق أو أكتر) شو يعني هاد الكلام إنستغرام بدو ياك تقضي وقت أطول بالتطبيق وما تطلع منه. صناع المحتوى صار فيهم يقدموا "حلقات وبرامج كاملة" مو بس لقطات سريعة بتروح تحضر فيديوهات الهم على يوتيوب. المنافسة بين المنصات وصلت لمرحلة المواجهة الكبرى لكن السؤال الأهم لكل صانع محتوى أو متابع: لو صار إنستغرام بيد…

حركة بسيطة بموبايلك ممكن تنقذ حياتك، ومع هيك أغلبنا نسيانها أو ما بيعرفها: "معلومات الطوارئ". تخيل لا سمح الله تتعرض لحادث أو موقف تفقد فيه القدرة على الحكي، ويجي شخص بدو يساعدك.. موبايلك بإيده بس "مغلق"! لا بيعرف مين أهلك، ولا كيف يوصللهم، ولا إذا عندك حساسية من دواء معين. الموضوع ما بياخد من وقتك دقيقتين: فوت على إعدادات موبايلك (آيفون أو أندرويد). ابحث عن "الهوية الطبية" أو "معلومات الطوارئ". ضيف اسم شخص مقرب ورقم موبايله، وزمرتك وأي معلومة صحية ضرورية. الميزة الأهم إنو هي المعلومات بتظهر …

فيسبوك عم يضحك علينا؟ ليش منشورات الـ 2020 عم تطلع بوجهنا هلق أكيد صارت معك اليوم أو مبارح عم تقلب بالفيسبوك، وفجأة بيطلعلك بوست لرفيقك عم يبارك لفلان، أو صفحة منزلة خبر بتقرأه وبتتحمس، وبعدين بتكتشف إنو المنشور صارله سنتين الموضوع مو "خرفنة" من فيسبوك، هي حركة مدروسة من الخوارزميات، رفيقك هو السبب: بمجرد ما حدا من أصدقائك علّق أو تفاعل على بوست قديم، الخوارزمية بتفهم إنو هاد المحتوى "انتعش" وبتعمله إعادة توصية ليرجع يظهر عند الكل. نظام التوصيات: فيسبوك بيعرف إنك مهتم بموضوع معين (مثلاً الذكاء…

الشركة نزلت التحديث الي بحل كل المشاكل هلق التحديث 3.0.2 قامت بتعديل النسخة بدون أن تبرر الخطأ🙂

shamcash_3.0.0.apk

تحديث جديد للشام كاش تضمن اصلاح الأخطاء التقنية السابقه حدثو التطبيق حتى تعالجو مشاكل النسخه السابقه انضموا للقناة ليصلكم كل جديد #جعفر_بدران

آيفونات "مضيق هرمز" صاروا خردة رسمياً شركة آبل قامت بتعطيل الهواتف التي تاثرت بحادثة السفينة في مضيق هرمز وما اكتفت بقفل الأجهزة، بل حولتها لـ "مزهريات" حرفياً. المهم تعرفوه إنو بهيك حالة، حتى القطع الأساسية بالجهاز (متل الشاشة، البصمة، والكاميرات) صارت قيمتها الفعلية "صفر".. ليش؟ لأنو آبل رابطة هي القطع برقم التسلسل تبع المعالج، وبمجرد ما انقفل الجهاز من الشركة، هي القطع ما عاد تشتغل على أي جهاز تاني، ورح تعطي رسالة قطعة غير معروفة لا حدا يضحك عليكم ويقنعكم تشتروا جهاز معطل لتستفيدوا من قطعه،…

صورتك وصوتك ما عادوا ملكك انتبهوا من "النسخة المزيفة" عنكم اليوم انتحال الشخصية ما عاد مجرد حساب وهمي بصورة مسروقة أو حساب قديم رجع بسبب إهمال الشخص الموضوع صار أخطر بكتير. بلمحة عين، ممكن أي حدا ياخد فيديو إلك، وببرامج بسيطة يخليك تحكي كلام عمرك ما قلته، أو يطلب مصاري من رفقاتك بصوتك وبنفس نبرتك أو يبتزك بشيء ما عامله بحياتك ليش هاد الشي صدمة؟ لأنو التزييف صار متقن لدرجة إنو أهلك ممكن يصدقوه عم يوصلني يةميا حالات لناس خسروا سمعتهم أو أموالهم بسبب فيديوهات مركبة أو تسجيلات صوتية وهمية. كيف تح…

مواقع حكومية وجامعات عالمية عم توقف خدماتها بسبب ثغرتين أمنيتين خطيرتين.. والخطر ممكن يطال ملايين المواقع حول العالم! القصة بدأت مع اكتشاف ثغرتين أمنيتين بلغة PHP، اللي بتعتمد عليها ملايين المواقع الإلكترونية، ومنها مواقع بتشتغل بنظام WordPress. الأخطر إنو استغلال هالثغرات ممكن يسمح للمهاجمين بتنفيذ أوامر برمجية عن بُعد على الخوادم، من دون الحاجة لتسجيل الدخول، وهالشي ممكن يعرّض المواقع المتأثرة لخطر حقيقي. وبحسب المعلومات المتداولة، وصلت درجة خطورة كل ثغرة لـ 9.2 من 10، واتخذت جهات حكومية وم…

شو أكتر موقف صار معك على الإنترنت وخلاك تخاف أو تحس إنك مو بأمان؟ خبروني بالتعليقات، خلينا نشوف أغرب المواقف اللي مرقتو فيها عالإنترنت.

#هام حملة إغلاق حسابات ضخمة على فيسبوك وإنستغرام، ولازم كل شخص ينتبه لحسابه ويتأكد إنو معلوماته وإعدادات الحماية عنده مضبوطة. إذا عندك حساب على إحدى المنصتين، في شغلات ضروري تتأكد منها من هلق: تأكد إنو اسمك حقيقي وتاريخ ميلادك صحيح، وإنو رقم هاتفك وبريدك الإلكتروني محدثين، لأن هالمعلومات ممكن تساعدك بإثبات ملكية الحساب إذا تعطل واحتجت تسترجعه. فعّل المصادقة الثنائية، وراجع إعدادات الحماية المتقدمة المتاحة لحسابك، ولا تعتمد على كلمة مرور سهلة أو مستخدمة بحساباتك التانية. انتبه لدردشاتك وتعليقا…

إذا كنت بتعلّق بنقطة بس على منشورات المحلات والصفحات حتى يوصلك رد تلقائي، انتبه! هالطريقة ممكن تعرّض حسابك لتقييد التعليقات والتفاعلات. فيسبوك ممكن يعتبر تكرار التعليقات المتشابهة خلال فترة قصيرة سلوك مزعج أو نشاط بيشبه السبام، حتى لو كان هدفك بس الحصول على رد من البوت. الأفضل تتفاعل بطريقة طبيعية، وتكتب تعليق واضح ومناسب للمنشور، وتتجنب تكرار نفس التعليق على عدد كبير من المنشورات خلال وقت قصير. مو كل تعليق بنقطة رح يسبب حظر، لكن تكرار هالسلوك ممكن يرفع احتمال تقييد حسابك مؤقتاً، ومدة التقييد…

#هام لمستخدمي الإنترنت في سوريا ستشهد خدمة الإنترنت في سوريا انقطاعات مؤقتة الليلة، من الساعة 12 منتصف الليل وحتى الساعة 7 صباحاً، وذلك بسبب أعمال الصيانة والتحديث على تجهيزات الإنترنت لدى الشركة السورية للاتصالات. يُرجى أخذ ذلك بعين الاعتبار، خاصةً للأشخاص الذين يعتمدون على الإنترنت في أعمالهم خلال هذه الفترة. الانقطاعات ستحدث لدى كل الشركات التي تعمل مع الشركة السورية للاتصالات من مستخدمي ADSL و انترنت هوائي

#هام إذا ابنك أو بنتك تحت عمر الـ18 وعنده حساب على فيسبوك أو إنستغرام، في شغلة لازم تنتبهوا إلها قبل ما تتفاجؤوا بأي إجراء على الحساب! ميتا عم توسّع استخدام الذكاء الاصطناعي للتحقّق من أعمار المستخدمين حول العالم، وعم تتخذ إجراءات بحق الحسابات اللي بتكتشف إنها لأشخاص دون العمر المسموح وتعطلهم. وبنفس الوقت، عم تفرض إعدادات حماية خاصة بحسابات المراهقين على فيسبوك وإنستغرام. لهيك إذا عندك أولاد تحت الـ18، لا تترك الموضوع للصدفة. تأكد إن تاريخ ميلادهم صحيح، وفعّل الإشراف الأبوي من خلال أدوات ميتا …

إذا عندك 5000 صديق على فيسبوك، في خبر رح يهمك فيسبوك رفع الحد الأقصى للأصدقاء من 5000 إلى 6000 صديق، يعني صار فيك تضيف 1000 صديق زيادة التحديث الجديد عم يصل تدريجيا للمستخدمين خبروني بالتعليقات كم عدد الأصدقاء عندك حالياً