﮼مَحمِد،الحمِࢪيَ .

انا منتغيرش ع حد ومستحيل نتغير بس قعدت نعطي في الناس ما يعطوني تهتم فيا نهتم بيك تهملني نهملك تزعلني نزعلك تفوتني نفوتك وكل شي منك مردود لك .

تغيّر نظرتك للحياة لما تتعب مش لأنك ضعيف لكن لأنك فهمت إن راحة بالك مسؤوليتك وإنك موش مجبور تحمل همّ غيرك تختار الهدوء وتكمّل طريقك بخفّة .

ما تحكيش عل وجع وانت مجربتش احساس أن كلام هلك يكون نازل فيك زي الموس وانت منكش قادر ترد ولا تبرر لانك عارف انهم مش حيفهموك .

في الي يبي يخسرك بس يرجا في اقل موقف غلط منك عشان ايديرله برواز ويكبره ويعيش دور الضحيه ينسحب من حياتك لكن نحب نقولك يلي جابك يجيب غيرك .

وانت في أسوأ ظروفك ركز من اللي مزال شايف الحلو فيك وانت غلطان حتي لو كان غلطك كبير ركز من يلي ح يسامحك وقتها ومن يلي يحاول يردلك شغف الحياة الحب مايجيش في الوقت الحلو الحب يجي في اصعب الظروف والمحن .

مافيش حد حيشكرك علي مية حاجة أنت درتها فوق من طاقتك بس كلهم مستعدين يلوموك علي أول حاجه تصير .

ليش لحد توا مافيش حد قال أن أصعب حاجة حتواجهها في حياتك هي إنك تقاوم نفسك عشان متتحولش لشخص مش كويس ومؤذي بعد كل اللي صارلك ومازال حيصيرلك .

الاصعب من انك تعاني طول الوقت هوا إنك تتفاجئ مره وحده إنك مش قادر تعبر عن اي حاجه انت حاس بيها مكتفي بأنك تسكت وبس .

الفتره هذي اقصى ردة فعل ليا هي إني نسكت معش عندي طاقة للكلام والشرح مانبيش اكثر من أني نرد نفس الشخص متع زمان أنا توا عبارة عن عن جسم بدون روح .

قعدت هادي وساكت أغلب الوقت ومش فارق معايا اي حاجه تصير في حياتي وشغفي تحت الصفر نمل من اي مكان نمشيله ماقعدتش ندير حتي في الحاجات اللي متعود نديرهن .

انا نعتبر الانعزال علي الناس واللحظات الهادية اللي نقعد فيها بروحي ثاني أفضل نعمة قاعده في الدنيا بعد النوم .

وجع الاهمال اقسى من وجع البعد البعد علي قسوته اقل حاجه مفهوم لكن الإهمال يخليك تحس إنك قاعد ومش محسوب قريب بس ماحد يشوف فيك وهذا شي يكسر القلب لأنه يحسسك بقلة قيمتك عند اللي تحبه .

من الاخير كل اللي الناس مهتمة بيه هوا الشكل ومحدش ينعجب بشخصيتك وأول مايشوفك الشكل والمظهر يختلف في تقييمنا للبني أدمين لأن نتوقعوا ان الشكل الحلو هذا عمره ماحيقعد مش كويس ونتوهموا بأن الجمال هو الخير .

في ناس معاك عشان ماتبيش غيرك وفي ناس معاك عشان مش لاقية حد غيرك وناس معاك لعند مايجي غيرك .

الحياه مرات تبي التجاهل، تجاهل احداث تجاهل أشخاص تجاهل أفعال تجاهل اقوال خليك شاطر وعود نفسك ع التجاهل مش كل حاجه تستاهل أن نزعلوا عليها .

المساحة الآمنة في العلاقات هي إنك يبقى عندك حق تتكلم في الموضوع اللي مزعلك مرة واثنين وثلاثة مادام الموضوع مااسكرش عندك منغير ما الطرف الثاني يمل أو يعصب عليك .

ينضج عقل الواحد من لألم والفشل والرفض والخسارة وقلة الاحترام والقيمة وخيبات الأمل مش من العمر ، العمر مجرد عدد لأيامك بس .

الحاجه الوحيده لـ عرفتها وكل ما يمر الوقت نزيد نتأكد منها أن الناس كلها فترات وكلهم يتغيروا ومحد فيهم بيقعد زي ما عرفناه أول مرة .

قعدت نكلم في روحي واجد مواضيع يدورن في راسي ممكن توصل لنقاش طويل كأن نفس شخصين يعاتبوا في بعضهم وبينهم خلاف جوا دماغي ويبقى السؤال الوحيد اللي مايقدرش يجاوب عليه حد أنا كيف وصلت لهكي .

اوقات الضغوطات والتراكمات تحولك لشخص باهت مش قادر يتمسك بأي حاجة حتي لو كنت تحبها ما عندكش نيه تبرر او تتناقش مع حد وتتحول لحد مش لاقي من يفهمه أو يحس بكمية الضغوطات اللي انت عايشها وفي الآخر حينضر ولك انك تغيرت في أعتمد علي نفسك وحافظ عليها .